chapter 10

Rifle's POV

"CHEERS MGA PANGIT!" Sigaw ko sa maingay na lugar na ito. Tumayo ako sa kinauupuan ko at pumunta sa dance floor habang may hawak na bote ng beer.

"Tabi pangit!" Hinawi ko ang isang lalaki sa dadaanan ko at pumunta sa center nitong dance floor.

"Hi pogi!" Bati ng isang babaeng kinulang sa tela ang suot. Tinignan ko ito mula ulo hanggang paa at himinto sa mukha nyang mukha arco.

"What a shitty face is that?!" I asked in drunken tone. Humawak s'ya sa mukha n'ya na halata ang pagkabigla sa sinabi ko, pero ngumiti ito sa akin at hinawakan ang mukha ko sabay sayaw harapan ko.

"Aish! Bitawan mo nga ako, baka mamaya magkarushes pa ang maganda kong balat dahil sayo!" Iniwan ko s'ya na nag-iisa sa pwesto na yun. Ako naman ay naghanap ng magandang chix na babagay sa kagwapuhan ko.

"WALA BANG MAGANDA DITO!" Sigaw ko. Ininom ko ang hawak kong beer at sumabay ang katawan ko sa musika nitong bar.

Nagfree style ako duon at ginugulo ang mga sumasayaw sa dance floor ang iba ay inaagawan ko pa ng ka sayaw. Hindi naman sila makatanggi dahil ngayon lang sila makakasayaw ng ganitong kagwapong mukha.

"Ang gwapo mo naman!" Patuloy ako sa pagsayaw ng may tatlong babae akong nadaanan. Tinignan ko sila mula ulo hanggang paa. Napangiti ako, pwede na 'to kesa sa kaninang babae.

"Alam ko yun girls, inborn ang ganitong mukha!" Pagyayabang ko sa kanila. Smooth lang ang sayaw namin. Pinalibutan nila ako kaya lalo akong ginanahan sumayaw.

"Iba talaga charisma ng gwapo!" Masaya kong sabi at pinag patuloy ang pagsayaw. Narinig ko ang mga tawa nito. Bigla akong napahinto ng mayroong humawak sa pwet ko.

"Aish! The hell!" Tinignan ko ang babae ba yun na todo pa ang ngiti sa akin.

"Don't do a bad thing!" Sabi ko babaeng maikli ang buhok naka black fitted dress ito na hanggang hita nya na halos makita na ang mga tinatago nito sa katawan.

"I like you!" Lumawak ang ngiti ko sa bulong nya sa akin. Tumawa ako dahil sa sinabi nya at sumabay sya sa pagtawa sa akin.

"Sorry 'di kita type!" Tinungga ko ang bote ng alak at umalis na ako dahil mukhang pinagpapantasyahan na nila ang gwapo kong mukha.

"PARTY LANG TAYO MGA PANGIT!" Muli kong sigaw at sumayaw sayaw ako dito. Pagkaatras ko ay mayroon akong nabanggang matigas at nabitawan ko ang hawak kong bote at nabasag iyon sa sahig. Hindi napansin ng mga tao dito dahil sa lakas ng tugtug nitong bar.

"Masyado kang magulo, boy!" Humarap ako sa ng marinig ko ang malalim na boses na yun. Nanliit ang paningit ko para aninagin ang palaking nasaharapan ko na yun.

"Tsk tsk! Ang pangit!" Pailing iling kong liit sa lalaking medyo malaki ang katawan pero mukha namang bakla ang mukha. Meron syang kasamang babae at napangiwi ako.

"Miss arco!" Bati ko duon sa babaeng una kong nakita kanikanina lang.

"Bogard, s'ya ang nanlait sa akin kanina!" Kumunot ang noo ko sa itsura ng pagmumukha ng babaeng na'to. Mukha syang lulungi dahil sa pag pout na ginagawa nya.

"Tang inang pangalan yan, Bogard?!" Natatawa kong sabi dito at hinampas ko pa ang lalaki sa braso dahil sa pagtawa ko.

"Fuck!" Daing ko ng hawakan nya ang braso ko at pinalipit iyon. Sinong may sabi sa kanya na mayroon itong karapatan na hawakan ako.

Hindi na ako nag-isip at sinapak ko na agad ito sa mukha. Nagkagulo dito kaya sinamaan ko ng tingin ang lalaking ang pangalan ay pang aso. Hinimas ko ang kanan kong kamay dahil sa sakit ng ginawa ng bogard na iyon.

"Hindi mo ba alam na sobrang sensitive ng balat ko tapos hahawakan mo lang na mukha bacteria!" Balak ko sanang patulan ng may dumating na bouncer. Umalis ako duon dahil nawalan na ako ng mood.

Nakakaisang bote palang ako ng alak at saka kadadating ko lang duon. Lumabas ako sa maingay na lugar na iyon at napataas ang kilay ko ng may mapansin akong isang lalaki na kakaiba ang kinikilos.

"Bakit ba pinapalibutan ako ng mga pangit?!" Napailing ako at kinuha ko ang susi ng kotse sa pocket ng pants ko, kaso nakuha na naman ng lalaki ang attention ko ng napansin ko na tingin sya ng tingin sa akin.

"The heck! I forgot something!" Pagpapanggap ko. Naglakad ako pabalik sa loob ng bar pero nasa gilid lang ako. Sinilip ko ang lalaki na nakasuot ng black cup, white shirt and short.

Naningkit ang paningin ko ng nagsimula syang maglakad kaya dahan dahan akong sumunod sa kanya. Medyo malayo ang pagitan namin pero hindi ko pinapahalata na sinusundan ko ito.

May kakaiba akong nararamdaman sa lalaking ito, pero hindi pag-mamahal. Basta hindi ko rin alam. Aalamin ko muna para malaman ko din.

Nagtago ako sa pader ng bigla syang huminto. Buti na lang magaling ako nakiramdam ayan ang isang katangin ng gwapong kagaya ko.

Sumilip ako mula sa pader at nawala na sya.

"Hell, where is he going?!' Napakamot ako sa ulo ko ng hindi ko makita kung nasaan na ang lalaki. Ibig sabihin mayroon nga syang kakaibang gagawin.

Nilibot ko ang paningin ko sa lugar kung saan ako. Masikip at madilim ang lugar na ito.

"Taas ang kamay!" Humarap ako ng may maramdaman akong malamig mula sa likod ng ulo. Ngayon ay sa noo ko naman nakatapat ang baril na hawak ng lalaking sinusundan ko.

Ngayon ay kita ko na ang buong mukha nito. Dry lips, flat nose. I can't see clearly his eyes dahil sa natatakpan iyun ng cup na suot nya.

"Bakit mo ako sinusundan?!" Natawa ako tanong nya. Tinuro ko ang sarili ko sa kanya. Hahawakan ko sana ito sa balikat ng lalo nyang inilapit ang baril sa ulo kaya biglang napataas ang kamay ko.

"Wag kang assuming, My friend. Iihi lang sana ako sa tabi!" Sagot ko sa kanya. Tinitignan ko ang mukha nito pero yumuyuko sya kaya nahaharangan ng cup ang mukha nito.

Tinignan ko ang hawak nitong baril at natawa ako ng nakita kong peke ang hawak nitong baril dahil kita pa duon kung paano minold ang plastic. 

"Anong tinatawa mo dyan?!" Idinikit nya sa noo ko ang baril kaya maslalo kong naramdaman na fake ito.

"Kung tatakutin mo ako siguraduhin mong matatakot ako sa hawak mo!" Mabilis kong kinuha ang airsoft sa likod ko at tinutok iyon sa noo nya.

Nagsmirk ako ng manginig ang kamay nito.

"Aish! Bukod kasi sa mukha mo wala ng nakakatakot sayo!" Tinaggal ko ang cup nito at bumungad sa akin ang pangit nyang mukha.

"Nainlove ka ba sa kagwapuhan ko?!" Mapaglaro kong tanong sa kanya. Inalis ko na ang pagkatutok ng baril sa kamay at pinaikot ikot ko iyon sa daliri ko.

"Sa susunod wag ka magdadala ng peke pero kung wala ka talagang pambili ng totoo. Wag ka na lang papahalata sa susunod!" Hinawakan ko sya sa balikat at tinignan sa mata.

"Tignan mo ang gwapo kong mukha!" Tinuro ko ang sarili ko at nanginginig nya iyon tinignan kaya lalo akong tawa sa kanya.

"Nanginginig ka ba sa takot o kinikilig ka sa kagwapuhan ko?" Ibinalik ko ang airsoft sa likoduan ko.

"Umuwi ka na! Pasalamat ka 'di ako pumapatol sa mga walang laban!" Pinagpagan ko ang balikan nya dahil kanina pa sya walang kibo.

Tumalikod ako mula sa kanya para bumalik sa kotse ko.

"Holdup 'to!" Napataas ang isa kong kilay at binalikan ng tingin ang musmos na lalaking ito.

"Boy nagpapataw- Nice naman!" Nakangiti kong sabi ng makita kong mayroon syang nilabas na kutsilyo.

"Matalim ba yan? Baka sa tetano ako mamatay nyan?!" Nilagay ko sa baba ko ang kanan kong kamay at tinignan ang lalaking iyon.

Napansin kong tumungin sya sa likudan ako at nakita ko na may papalapit sa akin mula duon dahil sa anino nito.

"Aish! 'Di mi naman sinabi agad eh. Magkano ba gusto mo? Baka gusto mo pati bank account ko? Pwede naman!" Pinapakiramdaman ko ang lalaki na unti unting lumalapit sa akin habang nililibang ko ang lalaking nasaharapan ko.

"Akin na wallet mo at phone mo pati ang baril mo!" Tinutok nya sa akin ang kutsilyo kaya napangisi ako duon. Dinukot ko ang wallet sa pocket ko at kasama ang phone.

Naramdaman ko na ang isa pa nyang kasama sa likudan ko dahil sa paghinga nya. Masyadong tahimik ng lugar na ito at liwanag lang ng buwan ang nagsisilbi ng ilaw namin.

Mabilis kong kinuha ang baril ko at hinapas ko sa mukha ng lalaking nasalikod ko yun at sinipa ko palayo ang lalaking nasaharapan ko. Tinutukan ko sila ng airsoft.

"Tang ina, bata madaya ka pala lumaban!" Balak kuhanin ng naka white shirt ang nabitawan nyang kutsilyo pero inapakan ko iyon. Sadly nasama ang kamay nyan

"AHHHH!" Napapikit ako dahil sa tili ng gagong ito. Hinihila nya ang kamay nya paalis sa paa ko pero lalo ko pang diniinan iyon. Nilipat ko ang attention ko sa lalaking kasama nya.

Nakared shirt ito pero mukhang bata pa sya kesa sa nakaputi. Tinutok ko ang hawak kong airsoft sa kanila.

"Patawad po!" Nagsmirk ko ang bigla syang lumuhod sa harapan ko. Napailing ako haist wala man lang silang kathrill thrill kalaban. Inilipat ko ang tingin sa lalaking nakaputi.

"Sorry po!" Nilagay ko ang kanan kong kamay sa tenga ko na para bang hindi naririnig ang sinabi nya.

"Patawad na po!" Nilakasan nya kaya napatango ako.

"Sabihin nyo, Patawad master!" Napangiti ako sa sarili kong idea. Minsan talaga ang talino ko pero madalas genius talaga ako.

"P-patawad m-master!" Halata sa boses ng nakared ang panginginig ng boses nya dahil sa takot. Mukhang first time nya lang yata sa ganito ah.

"I CAN'T HEAR!" Sigaw ko na ikinagulat nila kaya naging aligaga sila.

"PATAWAD PO MASTER/ PATAWAD MASTER!" Sabay pa nilang sigaw kaya gumaan ang pakiramdam ko. Inalis ko na ang pagkakaapak sa nakaputing lalaki.

"Mamili kayo ng bibiktimahin nyo. Yung mga pangit na kagaya nyo!" Inabangan ko sila ng suntok pero 'di ko na tinuloy dahil bakamagasgasan pa ang kamay ko.

"Opo! Opo!" Mabilis nilang sagot. Sinipa ko palayo ang kutsilyo.

"Learn from the expert!" Iniwan kong kataga bago nilisan ang mabahong lugar na iyon.

Pinagpagan kong ang blue Tshirt ko dahil napansin ko ang pagkagusot nito at ilang mga dumi.

"Ito na nga ba sinasabi ko eh, paano ako makakakuha ng chix kung mukha akong pulubi? Ok lang kahit ano namang suot ko madumi man o hindi gwapo pa rin." Proud kong sabi sa sarili ko. Sinuklay ko ang buhok ko gamit ang kamay ko at nagsimula na ulit maglakad.

Tumigil ako ng isang kaluskos ang naririnig ko.

"Aish! Anong klaseng lugar ba ito, ang daming bagay bagay akong nararamdaman!" I wagged my head and resume walking, pero huminto ulit ako ng lalong lumalakas ang naririnig kong ingay.

"Ibigay mo na sa akin 'yan!" Bumuntong hininga ako, may holdupan na naman bang nangyayari or what?. Pinakinggan ko kung saan nang gagaling ang boses ng mga yun.

"Kailangan ko talaga ito! Hindi ko pwedeng ibigay sayo!" Tumaas ang kilay ko ng makkta ang isang lalaki at babae sa isang eskinita. Likod yata ito ng isang apartment na wala ng nakatira.

Nakakulong ang isang babae sa mga braso ng lalaki. Nakasandal ang babae sa pader kaya wala itong kawala. Aalis na sana ako dahil mukha naman silang mag karelasyon dahil sa posisyon nila.

"BIGAY MO NA SABI!" Napapikit ako sa sigaw ng kupal na'yon. Sinuot ko ang hinliliit ko sa tenga ko dahil baka dumugo dahil sa tili ng lalaking iyon.

Muli akong humarap para tignan sila at pinilit nyang inaagaw ang wallet ng isang  babae. Napailing ako at inihakbang ang mga paa ko papunta sa kanila nila.

Dahil magaling ako, hindi ako ramdaman ng lalaki na palapit sa kanya. Tumapat ako sa likod noong lalaki. Ngumiti ako sa babaeng halata ang takot sa mukha.

"Babe ito ba pinalit mo sa akin?!" Nawindang ang lalaki sa bigla kong pagsalita. Tinignan ko ito mula ulo hanggang paa sabay iling. Ganun din ang ginawa ko sa babae na baduy ang suot.

"Sino ka?!" Matapang na tanong ng lalaki sabay tutok ng kutsilyo sa akin. Napangisi naman ako dun.

" 'di mo ba ako kilala? Heck lemme introduce myself using this shitty thing." Kinuha ko ang airsoft ko at pinakita 'yun sa lalaking nagtanong sa akin.

"Ngayon kilala mo na ako?!" Dagdag kong tanong sa kanya. Dahil wala itong sinagot tinignan ko sya ng seryoso. Baka na distract sa kagwapuhan ko, buti na lang sanay na ako sa mga ganitong bagay.

"Anong kailangan mo?!" Nanginginig n'yang tanong. Kinuha ko ang kamay ng baduy na babaeng ito at nilapit ko sa sarili ko sabay tingin sa lalaking busabos.

"Sinusundo ko lang Girlfriend ko!" Inakbayan ko 'yun para naman maging totoo.

"Nagagalit na ako!" Sabi ko sa kanya kahit wala naman akong reaction sa mukha. Ginagaya ko lang si Snipe magalit nakakatakot kasi yun pag sya gumagawa palibhasa 'di gwapo.

"Get out of my face!" Singhal ko sa kanya sabay karipas ng takbo pero napabalik ito dahil sa tinakbohan nya ay blocked by wall.

"Tang ina bilis!" Inis kong utos dito. Tumakbo na sya sa kabila kaya tinignan ko na ang baduy na babaeng ito.

Napangisi ako dahil cute din s'ya kahit na baduy n'ya magsuot.

"Ano bang ginagawa mo dito ng ganit-" Huminto ako sa pagsasalita ng talikuran nya ako at naglakad. Mahina akong natawa at tinignan ang babae na 'yun.

Sinundan ko sya at hinablot ang braso nito para iharap sa akin.

"Hindi ka man lang ba magpapasalamat sa aki-" Muli na naman akong napahinto dahil hindi sa pag-alis nya dahil sa bigla nitong pagsampal nya sa akin.

"Ayoko sa lahat ang amoy alak!" Hinila nya ang braso n'ya mula sa pagkakahawak ko at na muling na naman tumalikod sa akin saka naglakad na.

"Fuck!" Inis kong sabi at tinapat ko ang airsoft sa kan'ya dahil sa inis ko, pero sinipa ko na lang ang trashcan sa harapan ko dahil sa pikon sa babaeng iyon.

Pagkatapos ko s'yang iligtas, ito ibabalik n'ya. Tsk sana pala hinayaan na lang kita sa lalaking iyon. Hinawakan ko ang kanang pisnge ko na tinamaan ng mabigat na kamay ng babaeng yun.

"Matapang naman pala s'ya bakit 'di nya ginawa sa lalaki kanina!" Binalik ko ang hawak ko airsoft sa likod ko at kahit masama ang loob ko sa pagsampal ng babaeng 'yun sa gwapo kong mukha ay bumalik na ako sa kotse, baka kung ano pang makaharap ko sa pesteng lugar na yun.

Tinignan ko ang namumula kong pisnge sa rear mirror ng kotse. Napahampas na lang ako sa manibela dahil sa inis.

"Pag nagkita pa landas natin humanda ka!" Malabo yata mata noon at hindi n'ya nakita ang kagwapuhan kong taglay eh.

Pinaandar ko na ang kotse ko at makauwi na lang dahil sa babaeng 'yun nawalan na ako ng ganang mabuhay.

Tumunog ang phone ko. Nakita ko ang supot na pangalan ni Uzi Montelle. Ang isa sa mga pangit kong kaibigan simula bata palang hanggang ngayon.

"Pangit I mean bakit?!" Bungad ko sa kanya. Nakatutok ang mata ko sa daan dahil baka mawalan ng gwapo sa mundo kung hindi ko gagawin iyon.

"Saan ka?" Sagot nito sa kabilang linya. Napangiti ako dahil mukhang namiss na naman ako ng gago.

"Sa puso mo!" Pagbibiro ko sa kanya.

"Fuck you, Rif! Seryoso nasaan ka?"  Natawa ako ng mahina dahil mukhang may napikon na naman akong isang gago.

"Nasa daan pauwi na ako sa condo, Bakit?!" Matino ko ng sagot sa kanya. Saglit lang akong nakarating sa condo ko at pinark ang sasakyan ko.

"Pupunta ako sa Arme Company bukas, shot tayo nila Snipe!" Parang may anghel na dumating ng marinig ko ang katangang na 'yun.

"Game! By the way pinayagan ka ni Jasmine?!" Tanong ko dito. Si Jasmine Mercado ay girlfriend ni Uzi Montelle. Matagal na sila halos 7 years na din ang mga gago, tumagal pa ang Jasmine na 'yun kay Uzi.

"Syempre!" Napangiti ako sa sagot n'ya. Naka isip ito ng dahilan kaya gan'yan.

"Syempre 'di ko sinabi!" Dagsag ng loko sabay tawa pa. Napailing ako sa kanya dahil sa kalokohan nito. Sumakay ako sa elevator papunta sa 6th floor, wala akong kasabay dahil hating gabi na rin naman. Ako lang ang gwapong lumalabas ng ganitong oras.

"Tang ina mo talaga, Uzi!" Natatawa kong banat sa kan'ya. Mabait naman si Jasmine pero madamot lang pagdating kay Uzi. Ewan ko ba bakit ganun ang babaeng 'yun ni magloko nga ni Uzi hindi kayang gawin eh.

"8:00 PM call time, sasabihan ko na si Snipe!" Natatawa din n'yang sabi.

"Kung mapapayag mo!" Huli kong sinabi kay Uzi bago pinutol ang tawag namin. Inilagay ko sa bulsa ko ang phone ko at hinihintay na lang na makarating ako sa 6th floor nitong tinitirahan ko. 

Isang linggo ko na rin 'di na kikita si Snipe pag kasama naman namin trabaho din ang inaatupag. Tang inang lalaking 'yun magpapakamatay yata sa trabaho. Hindi n'ya gayahin ang gwapo gaya ko payapa ang buhay.

Lumabas ako sa elevator pag open ng pinto at prines ko ang passcode ko sa pinto ng condo bago ako pumasok.

Nandito na naman ako sa tahimik na lugar ng buhay ko. Kumuha ako ng alak sa ref at umupo sa sofa at nanuod ng mga balita.

"5 police men killed in south encounter are members of YnX drug syndicate"

Umayos ako ng upo at pinagpatuloy ang panunuod balita.

"Aish! Mahuhusay talaga ang YnX na ito eh!" Comment ko habang pinapanuod ang mga balita about duon. Uminom ako ng alak na hawak ko.

Dapat kasi sa bar ako magpapakasaya kaso may mga asungot na ng gulo at lalo pa akong nawalan ng gana dahil aa babaeng tinulungan ko na sinampal pa ang gwapo ko mukha.

Hinawakan ko ang pisnge ko na humupa na ang sakit pero fuck ang bigat ng kamay nya. Daig pa ng isang sapak ng mahinang lalaki.

Pumasok ako sa kwarto at tinignan ang malaking glass window ko dito palabas sa terrace ko. Pinagmasdan ko ang baba na puno ng mga ilaw ng mga building at mga kapahayan dito. Isama mo pa ang mga ilaw ng mga sasakyan na ilan ilan na lang.

Tinungga ko ang hawak kong bote.

Rifle Winchester ang tagapagmana ng iiwan ng lolo ko. Lumaki akong walang magulang dahil sa pagpatay dito ng walang kalaban laban, dahil saan? Dahil sa pera.

Gaya ng mga binalita kanina. Grupo ng isang malaking syndicate ang pumatay sa magulang ko. Namumuhay na ng tahimik ang lolo ko pero hindi ko pa rin matanggap na walang nagbabayad sa kasalanan na ginawa nila sa pamilya ko.

23 years na akong nabubuhay sa mundo at 13 years na akong walang nakukuhang hustisya. Hindi man ibigay ng basta sa akin yun ako ang kukuha ng bagay na yun that's what I deserve.

Inubos ko ang beer na hawak ko at kinuha ko ang airsoft na dala ko lagi. Pumasok ako sa kwarto ko at mayroong malaking pictures duon ng magulang ko. Tinulak ko iyon at pinaikot. Lumabas ang collection ko ng mga baril.

Ang iba dito ay naiwan pa ni Papa akala ng lolo ko ay tinapon na 'yun, pero ang totoo ay kinuha ko at inaalagaan ko ng mabuti. Binalik ko ang Airsoft gun sa pwesto talaga nito.

Nakadisplay dito ang pistol, revolver, Sniper, Uzi, shotgun, Carbine and pinakamamahal kong Rifle. Mahilig sa baril ang papa ko kaya duon nya nakuha ang gwapo kong pangalan.

'Di ko lang alam si Uzi at Snipe baka gumaya na lang mga magulang nila sa magulang ko since magkakaibigan naman sila.

Marami din akong Ammo para pagkailangan ko. May teargas and pipe din ako. Ang wala na lang ako ay Granada. Next year balak kong bumili ng grenade launcher, kaso hindi ganun basta basta ang pagbili ng mga baril. Madami pang kailangan gawin.

Binalik ko ng ang picture ng magulang ko at humiga sa kama. Airsoft lang ang lagi kong dala panakot lang naman iyon, pero sa mga totoong laban kadalasan Pistol lang. Masasayang lang ang bala sa mga walang kwentang tao na hindi naman na dapat pang mabuhay pa.

Pinikit ko ang mata ko ng makaramdam na ako ng antok sa katawan ko.

Xyra's POV

"Ate saan ka ba galing pa?!" Nagmamadali akong naghubad ng sapatos. Tinignan ko ang bunso kong kapatid na si Jane na nag-aalala akong sinalubong.

"Naligaw kasi ako Jane eh, saka inubos ko muna ang mga paninda ko bago ako umuwi!" Sagot ko kay Jane.

"SINO YAN, JANE?!" Napaayos ako ng tayo ng marinig ko si Nanay na galit na galit ang boses.

"Sige na pumasok ka na." Utos ko kay Jane. Nandito ako sa tapat ng bahay namin nakatayo at lumabas si Nanay na galit na galit na.

"Ate!" Nginitian ko si Jane para iparating na ok lang ako.

"Nay! Naman gabing gabi na nakakahiya sa mga kapit bahay!" Awat ni Jason kay nanay. Ang pangalawa kong kapatid.

"TUMAHIMIK KA! IKAW BABAE ANONG ORAS NA BA? BUTI AT UMUWI KA PA?!" Napayuko ako sa sigaw ni Nanay.

"Patawad po, Nay! Naligaw lang po ako sa lugar na pinuntahan ko kaya ako ginabi. Saka ito ang napagbentahan ko ng mga kakanin." Inabot ko lahat ng kinita ko sa nanay ko at hinablot n'ya yun sa akin.

"SABIHIN MO GUMALA KA LANG BABAE KA!" Napapikit ako sa sigaw ng nanay ko. Sanay naman na ako sa kanya. Ang hindi lang ako sanay ay sa lugar na nilipatan namin.

"Ok ka lang ba ate?!" Niyakap ako ni Jane para pagaanin ang loob ko. Inayos ko ang buhok n'ya at inipit ko sa dalawa n'yang tenga.

"Kailan ba hindi naging ok si ate?!" Nakangiti kong balik sa kan'ya.

"Ikaw naman kasi ate Xyra nagpapagabi ka pa! Alam mo naman na ayaw ni Nanay ng ganiyan!" Sabi sa akin ni Jason. Naligaw lang talaga ako kaya ako late na kauwi.

"May pasalubong ako sa inyo!" Mahina kong bulong dahil baka marinig ni Nanay magalit na naman iyon. Lumapit sila sa akin kaya nilabas ko na ang pasalubong ko goya.

"Wow chocolat-" Tinakpan ko ang bibig ni Jason dahil nag-ingay ito.

"Wag kang maingay!" Suway ko sa kanya. Tig-isa lang sila dahil iyon lang ang nakayanan ko. Mura lang ito sa seven eleven na nadaanan ko kanina. Naalala ko agad sila ng makakita ako ng chocolate pero iyon na ang pinakamura kaya iyon lang ang nabili ko.

"The best ka talaga ate!" Napangiti ako sa sinabi ni Jason. Ginulo ko ang buhok nya, sya lang ang nag-iisang lalaki sa amin. 16 years old palang ito at high school student. Si Jane naman 14 Years s'ya ang bunso namin at halos ako na ang nagpalaki sa dalawang ito.

Malaki ang agwat namin dahil 22 years na ako.

"Sige na sa kwarto n'yo na yan kainin!" Pinapasok ko ng ang dalawa kong kapatid at pansin ko na hindi pa rin nasisilong ang nilaban kong damit kaya kinuha ko na iyon.

Pagpasok ko ay nakatambang ang hugasin. Wala na rin dito si Nanay siguro ay nasa kwarto na s'ya at nagpapahinga.

"Sorry, Ate hindi ko na nahugasan ang pinggan gumagawa kasi ang ng assignment ko!" Umiling ako kay Jane.

"Ok lang basta atupagin mo lang ang pag-aaral mo! Sige na matulog ka na maaga pa ang pasok mo bukas!" Tumango s'ya akin at pumasok sa loob ng kwarto naming tatlo.

Hinarap ko ang mga hugasin at sinumulan 'yung hugasan. Biglang pumasok sa isip ko ang lalaking nagligtas sa akin kanina.

Hindi ko alam kung manyak o masamang tao din iyon pero ngayon nakokonsyensya ako dahil sa pagsampal ko sa kanya. Naamoy ko kasi na amoy alak ito at iyon ang pinaka ayaw ko sa lahat.

Ang alak kung bakit nawala ang tatay ko, dahil sa mga lasingero sa dati namin tinitirahan. Napagtripan lang ang tatay ko at dahil sa mga utang na naiwan ni tatay ay kailangan namin lumipat sa manila para pagtaguan at para na rin kalimutan ang masasakit na ala ala.

Pagkatapos kong maghugas at naligo ako saglit bago pumasok sa kwarto namin. Nadatnan ko si Jason at Jane na mahimbing ng natutulog. Inayos ko ang mga kumot nila at hinalikan sa noo.

Makita ko lang silang ayos nila nanay ay nawawala ang pagod ko. Kinuha ko ang phone ko na mayroon ng basag, nag iipon pa kasi ako para makabili ng bago nito.

Chineck ko ang pinasa kong Application letter sa Arme Company. Hindi ako sigurado kung papansinin nila ako dahil malaking kompanya ang Arme at hindi lang sa pilipinas sikat ito kung hindi sa ibang bansa din.

Sinubukan kong magpasa ng Application letter at nag exam na rin ako para sa requirement ng Company. Hinihintay ko na lang ang sagot nila.

Pangarap ko talagang makapasok sa Company na 'yun. Bukod sa hilig ko ang mga pen pangarap ko din na makapagdesign ng sarili kong pen.

Bukod duon ang gwapo din ng president nila. Lagi nga s'yang ang laman ng headline ng news at mga article dahil sa mabilis nitong pagkilos. Ang galing n'yang magpatakbo ng business.

Si Snipe Swaggerty ang president ng Arme Corporation ay marami ng nagawang pen na s'ya mismo ang gumawa. Tulad ng Love pen na nakalock lang iyon at hindi magsusulat ka pag hindi mo sinabi ang salitang I love you.

Kaya gusto ko ng maging part ng Company na yun, para maipakita ko na rin ang kakayahan ko sa kanila.

Inoff ko na ang phone ko at tumabi kay Jane para matulog. Maaga pa akong magtitinda bukas.

"Gumising ka nang babae ka!" Naalipungatan ako sa ingay na lagi namang gumigisi sa akin. Dinilat ko ang mata ko at bumungad sa akin si Nanay na nakapamewang.

"Kung matino ba isip mo, magpapakasarap ka sa pagtulog diyan at ang mga kapatid mong nag-aaral ay walang makain na agahan dahil sa katamaran mong babae ka!" Bumangon na lang ako at inayos ang hinigaan naming magkakapatid.

"Pasyensya na po, Nay!" Sabi ko at lumabas sa kwarto. Sa kusina agad ako pumunta para ipagluto ng agahan ang mga kapatid kong papasok ngayon.

"Ako na ate!" Napalingon ako kay Jane. Basa ang buhok at nakasuot ng uniform ito. Nastunned ang tingin ko sa necktie nyang hindi ayos ang pagkakasuot.

"Dapat laging maayos ang suot mo!" Nakangiti kong sabi sa kanya at inayos ang necktie nito pati na rin ang buhok nya.

"Lagi ka na lang sinisigawan ni Nanay!" Naningkit ang tingin ko sa kanya.

"Sanay na ang ate kaya umupo ka na duon ipaghahanda ko kayo ng pagkain!" Binigyan nya muna ako ng yakap bago umalis.

Sinimulan ko ng magluto ng itlog at sinangag na kanin para sa kanila. Wala naman na akong iba pang maluluto kung hindi iyun lang.

"Grabe ang ganda ng damit na ito!" Inilapag ko sa table ang fried rice at egg sa table. Napansin ko ang hawak ni Jason ang phone n'ya at nakalagay duon ang isang magandang Tshirt.

"Kumain na kayo!" Sabi ko sa kanila at pumunta ako sa banyo para maligo. Babalik pa ako sa pwesto ng amo ko para magbenta ng kakanin duon.

"Itlog na naman!" Napahinto ako sa paglalakad ng marinig ko ang reklamo ni Nanay. Masamang tingin ang binigay n'ya sa akin kaya ngumiti ako sa kan'ya.

"Mamaya po bibili ako ng karne." Masaya kong sabi kay Nanay pero inirapan n'ya lang ako.

"Talaga ate?" Tumango ako kay Jason.

"Wow kaya favorite kita eh!" Napangiti ako sa sinabi ni Jason.

"Maganda na masipag pa." Banat ni Jane.

"Tumahimik nga kayo d'yan at tapusin nyo ang pagkain ninyo dahil malalate na kayo! Kung masipag yang babae na yan hindi tayo naghihirap ngayon!" Napahinga ako ng malalim at hindi na pinansin ang nanay.

Kumuha ako ng damit na Tshirt at pants para isuot. Nagsuklay lang ako bago ako lumabas sa kwarto.

"Aalis na po ako!" Paalam ko kay nanay. Wala na rin sila Jason at Jane baka pumasok.

"Gumala ka ulit!" Nagbow ako kay nanay bago ako lumabas. Pasok sa kabilang tenga labas naman sa kabila. Sanay na ako sa kan'ya pero hindi ko naman sinasabi na hindi ako nasasaktan sa mga sinasabi nya sa akin at pagturing n'ya sa akin.

Baka kasi namimiss n'ya lang ang tatay dahil sa bigla nitong pagkawala.

Sumakay ako ng jeep patungo sa pwestong babantayan ko. Kailangan kong sipagan ngayon para makabili ako ng karne sa kanila.

Ilang minuto lang ay nakarating na rin ako agad duon. Saktong nagbubukas na nagtindahan si Aling alice.

"Goodmorning po!" Masigla kong bati kay Aling Alice. S'ya ang may ari ng pwesto na ito.

"Ang aga mo yata ngayon, Xyra?" Nakangiti n'yang balik sa akin. Tinulungan ko syang mag-ayos ng mga kakanin at iba pang paninda nya dito.

"Para po dumami benta natin!" Sagot ko kay aling alice.

"Sige, kumain ka na ba?" Ngumiti ako sa kan'ya at dahan dahan na umiling. Sapat lang kasi kila nanay ang niluto ko kanina kaya hindi na ako nakisalo pa.

"Ito pandesal at cheese kumain ka muna!" Lumawag ang ngiti ko at hindi ko na tinanggihan pa iyon. Kumukulo na rin kasi ang t'yan ko.

"Salamat po!" Masaya kong sabi at kumain na ako ng pandesal.

"Magkano ang biko?" Napatayo ako ng merong isang  customer.

"15 pesos po per slice!" Sagot ko.

"Sige tatlong slice!" Tumango ako at kumuha ng plastic para ilagay ang biko.

"Balik po kayo!" Bumalik ako sa pwesto ko para kunain. Kinuha ko ang wallet ko at nilagay duon ang 15 pesos at ang 30 pesos ay nilagay ko sa kaha ng pera ni Aling alice.

Sa bawat kakanin kasi may tubo ako, 10 pesos ang original price nito kaya pinatungan ko ng 5 pesos para sa akin. Sobrang bait ni aling Alice kaya s'ya pumayag.

"Kamusta ka naman?" Tinignan ko si Aling Alice ng tinanong n'ya ako.

"Mabuti naman po!" Sagot ko agad at kumagat ng pandesal.

"Nakikita ko ang anak ko sayo. Kung buhay pa si Alicia kaedad mo na yun!" Biglang nalungkot ang mukha ni Aling Alice dahil sa naalala n'ya ang anak nito.

"Masaya na po ang anak n'yo dahil wala na s'yang nararamdaman na sakit pa!" Hinimas ko ang likod ni Aling Alice. Simula ng mag-umpisa ako dito ay lagi na lang n'yang binabanggit ang anak nitong si Alicia na namatay dahil sa cancer.

Iniwan s'ya ng asawa nya at sumama sa ibang babae tapos ay nagkaroon pa ng malubhang sakit ang anak n'ya hanggang sa hindi nito nakayanan.

"Namimiss ko lang s'ya. Lagi kong kasabay kumain ng agahan si Alicia!" Niyakap ko si Aling Alice.

Minsan talaga kung kelan mo pa sila kailangan saka duon sila nawawala. Gaya ng nangyari sa tatay ko. S'ya lang ang nakakapagtanggol sa akin kay Nanay pag mainit ang ulo nito sa akin pero nawala na rin ito.

"Nandito naman po ako!" Alam kong hindi permanente na nasatabi n'ya ako pero handa naman akong pasayahin s'ya.

"Salamat!" Yumakap s'ya pabalik sa akin. Umangat ang tingin ko dahil bigla kong naalala ang tatay.

"Isa ngang mahablangka!" Napaayos kami ni Aling Alice ng mayroong customer. Tumayo ako para pagbentahan ang babae. Sana maraming bumili para makabili ako ng masarap na ulam mamayang hapunan.