chapter 9

TATLONG miscalls ang nakita ni Savannah na naka-rehistro sa kanyang mobile. The number  was not registered on her contacts’ list so she ignored it. She intentionally put the ring tone on silent mode. Ayaw niyang maabala sa kanyang ginagawang feasibility study. She was already on the final phase on her study and now it was finally over. Hopefully before the end of the month, she would start her own consultancy firm.

Ipinatong niya ang kanyang iPhone sa kitchen counter matapos ibalik ang regular ringing tone niyon at binuksan ang refrigerator. She grabbed the half gallon mango flavored ice cream saka kumuha ng cup at kutsara. Paborito niya iyon. Naupo siya sa high chair at excited na sumandok ng ice cream. Pinuno niya ang cup.

            She had been living alone in her condominium unit for almost six months now. Mahabang pakiusapan sa kanyang mga magulang bago siya pinayagan uli ng mga ito na mamuhay mag-isa. Ang bahay nila’y nasa Bulacan. She grew up in a middle class family. Parehong government employees ang mga magulang niya na ngayon ay kapuwa retirado na.  May dalawa siyang kapatid. Ang panganay na si Ian ay may sarili ng pamilya. Sa Singapore ito naka-base kasama ang asawa at nag-iisang anak habang ang bunsong si Renz na sumunod sa kanya ay co-owner ng isang construction business.

            Simple pero masaya ang kanilang pamilya. Nadawit lang sa kontrobersiya nang masangkot ang pangalan niya noong isang taon sa isang Senador bagay na nagawa naman niyang pasinungalingan. Ewan ba naman niya kung bakit malapit siya sa mga kontrobersiya gayong hindi naman siya artista. Hindi rin niya alam kung bakit lapitin siya ng mga lalaking may asawa o kung hindi naman ay gustuhin siya ng mga lalaking mas bata sa kanya.

            She remembered when she was in college, maraming indecent proposals siyang natanggap sa kanyang mga professors. Minsan din siyang na-tsismis na pumatol daw siya sa Dean ng unibersidad kaya siya naging Cum Laude bagay na tinawanan  lang niya. At sa dalawang kompanyang pinasukan niya, palagi siyang napagkakamalang nagiging mistress ng may-ari o manager. Mas kilala niya ang sarili kaya wala siyang pakialam sa sinasabi ng iba.

            Ang pinakahuli at pinakamatinding kontrobersiya na nasangkutan niya ay nang napagbintangan siyang mistress ni Senator Sotero Manalang. Naging business consultant siya ng senador sa itinayo nitong exclusive resort. Aminado siyang niligawan siya nito pero kailanman ay hindi niya ito pinatulan kaya laking gulat niya nang basta na lang lumabas ang balita tungkol sa kanya. Awa ng Diyos ay napatunayan  naman niyang malinis ang kanyang konsensiya. The Senate Blue Ribbon Committee was able to prove na sa pangalan ng mismong asawa ng Senador naka-deposito ang limpak-limpak na salapi na ibinibintang sa kanya. Ginamit ang mga pekeng dokumento para palabasing nasa pangalan niya ang pera. Malaki ang galit sa kanya ng asawa ng Senador bagay na wala namang basehan.

            Pati ang condominium unit niya na hanggang ngayon ay hinuhulugan pa rin niya ay inakala ng iba na regalo sa kanya ni Senator Manalang. Nang panahong kasagsagan ng imbestigasyon ay minabuti ng kanyang mga magulang na umuwi muna siya sa Bulacan. Katakot-takot na pakiusapan sa kanyang mga magulang bago uli siya payagang makabalik sa kanyang condominium unit. She assured them she could take care of herself.

           

Kung anuman ang kaginhawahan niyang natatamo ngayon ay bunga lahat ng kanyang sipag, talino at tiyaga. She went out on dates but she had no serious relationship for more than three years now. Nahihirapan siyang makahanap ng lalaking karapat-dapat. Kung hindi immature ay iresponsable ang  karamihan sa mga lalaking nami-meet niya. And most wanted only sexual partnership which she was not in favor of. Ayaw niyang maging parausan lang ng mga lalaking uhaw sa sex. Most men regarded women as sex objects.

            Like most women, she was also longing for someone who would promise her the moon and the stars. Hindi na siya bumabata. Beinte-otso na siya. Gusto na rin naman niyang magka-pamilya dahil pini-pressure na siya ng mga magulang niya.

            Habang ninanamnam ang mango flavored ice cream ay muling nag-ring ang phone niya.

Napangiti siya nang nakita kung sinong tumatawag. Ang kapatid niyang si Renz.

            “Hi bro,” aniya.

            “ Ate, anong problema? Limang miscalls mo sa akin.”

            “At ngayon ka lang nag-return call,” maktol niya. “’Asan ka ba?”

            “Pasensiya na. Busy ako kanina tapos na-drain ang battery  ko. Nasa bahay na ako ngayon sa Bulacan.”

            “Kaya nga uso ang car charger at ang power bank. Puro ka excuses.”

            “Okay, sige na. Kasama ko si Acel kanina. Sabi ko magre-return call na lang ako sa iyo kaso lang nalimutan ko na. Ngayon ko lang naalala,” pag-amin nito. “Tell me. Bakit?”

            “Sasabihin ko lang naman na bibigyan kita ng extra project. Maliit lang pero hindi kita babaratin, promise.”

            “And what is that?”

            “I want you to start renovating the office I am going to occupy for my new business. Push ko na ito, bro.”

            “Talaga? Sure.”

            “Yup. I’ll be just having me and my assistant, Anna and one Admin Assistant. Sa Monday ay kukuha na ako ng business permit para sa Savannah Andrada Business Development Consultancy.” Pagkasabi niyon ay isinubo niya ang kutsara ng ice cream. “Hay, ang sarap sa pakiramdam, Renz. Matutupad na ang pangarap kong magtayo ng sarili kong kompanya.”

            “Eh kung mag-asawa ka kaya muna ate?”

            “Heh! Saka na ‘yan. Wala nga akong boyfriend.”

            “Kasi naman sabi nina nanay at tatay hanggang hindi ka nag-aasawa, hindi kami pwedeng magpakasal ni Acel. Paano naman ‘yon?”

            “Hay naku, huwag mong isipin sina nanay at tatay. Kung gusto ninyong magpakasal ni Acel, go lang kayo. Huwag ninyo akong hintayin at baka hindi pa pinapanganak ‘yong lalaking para sa akin.”

            “Sinabi mo ‘yan ha? Okay lang na mauna ako sa iyo?”

            “Oo nga,” aniya. “O? Kita tayo bukas sa venue? Morning around 8? Dalhin ko ‘yong plano na pinagawa ko sa friend kong architect. Magkikita rin kami ng may-ari ng building. Magbibigay na ako ng advance rental. Habang wala akong malaking project kelangan ko nang pagbuhusan ng panahon ang office renovation.”

            “Okay. Kontakin ko na rin ‘yong sub-contractor namin. Occupied lahat ang mga tauhan namin eh. Limang tao pwede na sigurong gumawa doon. Maliit lang naman ang opisina mo.”

            Walang pagsidlan sa kaligayahan si Savannah. “Alright. See yah!” Pagkapindot ng end call button ay muli siyang kumuha ng ice cream at pakanta-kanta habang kumakain. She was about to finish her ice cream when her mobile rang. It was the same number that was not in her contacts list.

            Nagtungo siya sa living room na kanugnog lang din ng kitchen. She pressed the answer button. “Hello?” Pasalampak siyang naupo sa couch.

            “Miss Savannah Andrada?” Malamig ang boses ng babae sa kabilang dulo.

            “Yes?”

            “Hi Miss Savannah. This is Blesilda from De Rosales Group of Companies.”

            Napatuwid siya ng upo. Agad na naalala niya si Archie De Rosales – ang beinte tres anyos na isip-batang nagpakilalang milyonaryo sa kanya sa isang party. He was his number one stalker. She went out with him twice upon a common friend’s request but Archie went overboard on their second date. He offered her a 4Karat diamond ring and proposed to her. Damn the kid! Kung mukha lang siyang pera, pinatulan na sana niya ang kalokohan nito. She just laughed it off and told him, she didn’t like to marry a kid. Tandang-tanda niyang namula ang mukha nito at sinabi sa kanyang mahal na mahal daw siya nito. Ipapakilala raw siya nito sa ama at kapatid nito.

            Mahal? Third  time pa lang nilang nag-meet at pangalawang beses nag-date, mahal na agad?

            He even said he was a rich kid. Of course she knew that. Sino ba namang hindi nakakaalam kung gaano ang net worth ng De Rosales Group of Companies?

            “Ms. Savannah, are you still there?” pakli ng nasa kabilang linya.

            “Oh, yes… I’m here. How may I help you?” Kung parte iyon ng pag-i-stalk ni Archie sa kanya dahil na-block na niya ito sa kanyang Whatsapp at Viber Accounts, wala siyang panahon. Pinagbantaan ba naman siya ng bagets na magsu-suicide raw ito kung hindi siya uli makikipag-date. Kung hindi ba naman ito baliw?

            “I called to ask if you are available tomorrow.”

            Oh my God? Huwag na huwag niyang maririnig na gumamit ng sekretarya ng sariling kompanya si Archie para lang makahingi ng date sa kanya. “For what exactly?” she asked.

            “The company…actually, my boss instructed me to call you…”

            She immediately interrupted her. “Sorry? Are you referring to Archie De Rosales? I am sorry but…”

            “No. I am calling for Mr. Trevor De Rosales,” mabilis na tugon ng nasa kabilang linya.

            Napanganga siya. Trevor De Rosales? As in…Trevor De Rosales – the multi-millionaire entrepreneur? Naalala tuloy niya nang kinukulit siya ni Archie na nasiip niyang kung ito marahil ang kapatid nitong si Trevor baka hindi na ito magdalawang-salita. Who did not know Trevor? Kilala ito ng mga tao sa mataas na antas ng lipunan at bilang marami siyang nakakasalamuhang miyembro ng alta-sosyedad, alam rin niyang marami ang nag-aasam na maka-date man lamang ito. Trevor De Rosales was known as a hottie millionaire bachelor. Napanood niya ito minsan na in-interview para sa isang documentary ng lifestyles ng rich and famous. Na-feature na rin ito sa ilang lifestyle magazines. At noong nakilala niya si Archie, in-stalk rin niya ang website ng De Rosales Group of Companies. Alam niyang may katuturan ang mga nagsasabing si Trevor ay isang hottie. Kahit sinong babae ay mahuhulog ang loob dito.

            “Miss Andrada…”

            Naipilig niya ang ulo. “Y..yes.. ahm, what is it all about?”

            “We got hold of your credentials as Business Development Specialist. My boss wants to meet you tomorrow at four or  five if you are available.”            

            “Tomorrow? Ahm… s—sure. May I know where?”

            “Sa De Rosales Towers sa Makati. In his office. 30^th floor.”

            “I’ll be there, then. At five…”

            “Alright. We already have your profile. No need to bring resume and portfolio. I downloaded it from your Linkedin profile and forwarded to my boss.”

            “Great. I’ll see you, then Miss…”

            “Blesilda.”

            “I’ll see you, Miss Blesilda.”

            “Oh, I am sorry but I won’t be in the office. Walang pasok sa office ‘pag Saturday.”

            “So…why would I be there on a Saturday?”

“Boss will be there.”

            “S—siya lang?”

            “The guards and office cleaners. ‘Andun sila. Iyon lang kasi ang free time ni boss. Next week, he’ll be out of the country kaya wala na talagang panahon.”

            Natahimik siya. Weird. Sana sa labas na lang sila mag-meet. Parang date. Gusto niyang kutusan ang sarili sa naisip.

            “Very tight kasi ang schedule ni boss. Wala na akong mapagsingitan ng schedule and he

really is insisting on meeting you. Badly needed. As I said, may schedule out-of-the country trip siya next week end.”

            Mag-i-inarte pa ba siya at palalampasin ang pagkakataong makaharap ang isang Adonis na pinapantasya ng napakaraming kababaihan? Pero agad niyang pinaalalahanan ang sarili. In her five years of being a business development specialist, kahit napakaraming tukso ang lumapit at bumulaga sa kanya, hindi siya tumalikod sa kanyang prinsipyo. She was strictly following the policy of not mixing business with pleasure. Pero may isang munting tanong sa likod ng kanyang utak. Kung sakali kayang si Trevor mismo ang lumapit sa kanya, magawa kaya niya itong tanggihan? Lihim niyang pinagalitan ang sarili. “I’ll be there at five, Miss Blesilda.”        

              Sa dinami-dami ng kanyang nakausap na matataas na tao sa mundo ng business at maging sa politics, ngayon lang siya nagkaroon ng goose bumps. Marahil ay dahil sa mga nabasa at narinig niya tungkol kay Trevor De Rosales – ang irressistible hottie millionaire businessman!